RSS訂閱 最近京東(09618)宣布，已經完成收購「香港佳宝食品超級市場」，並會成立「創新零售-佳宝業務部」，並會委任林曉毅出任業務部負責人。
究竟係咪市場所講嘅價錢？京東同佳寶都無出聲，只係之前講過話市場個數係「不實」，不過40億可能都會有上下浮動，可能係38.8億？36億？42億？得佢地自己知。
不過完成收購後，佳寶就話，由聽日起（15日），開始全場「八折」！你無聽錯，係全場八折！話係回饋香港市民，同埋未來都會引進更多京東產品入香港。
八折其實都有賺啦，內地貨價廉物美，落香港賣本身已經MARK UP左個溢價可能有兩三倍，今次促銷其實都係賣下廣告，等大家知到佳寶要換老闆咁解。
之前博客都有講過，京東買佳寶，除左係本身90間鋪嘅網絡，更甚是睇中佳寶個冷鏈運輸，同埋全球供應商關係。京東可以供貨落香港俾佳寶，佳寶都可以訂貨俾京東拎入大陸賣，例如巴西牛雞、急凍海鮮，有啲貨真係唔係內地無，而係從外地買更平。
博客最記得有一期係凍肉鋪見過60蚊隻麵包蟹，買返屋企用鹽水煮熱就食得。所以京東佳寶合併真係可以話「強強聯手」，無得輸。
《編者按》本欄搜羅即市傳聞，惟消息未經證實，《經濟通》亦不保證內容之準確性。
【說說心理話】陳敏兒：人生有很多苦痛的經歷，但我不甘心去白受這些苦，要從中「獲利」，去學習，令苦變得有價值，再跟其他人分享► 即睇
