中國女富商買起加拿大商場，原來背後有大陰謀？

　　博客有班朋友一早過左去加拿大移民，話近期有個中國女富商Ruby Liu(劉宏偉)，收購左一個破產嘅加拿大商場Hudson Bay，原本以為都一場中資移民嘅故事，點知原來並不簡單。

　　不簡單嘅地方係，當Ruby姐收購Hudson Bay入面28個商場之後，25個商場業主決定集體拒絕租俾Ruby姐！咁仲有三個呢？原來呢三個商場原本都俾ruby姐買起。

　　咁點解呢班大業主咁抗拒Ruby姐呢？佢地表面就話係Ruby姐個商業計劃書唔得，其實都只係一個藉口；實在佢地發現，Ruby姐係想「買起」呢25個商場。

　　點樣操作？首先由於Hudson Bay租用位置較大，係議租方面有極大權利，其次Hudson Bay係可以有權決定邊個小租戶可以租用、邊個唔可以，再者就係租約年期玩下手就一百幾十年，所以班業主其實估計到，Ruby姐並非睇中Hudson Bay，而係睇中Hudson Bay背後呢28個商場嘅「租約」，用幾億就想買起個「使用權」，呢招真係絕。

　　Ruby姐睇到，班業主點會睇唔到？所以目前佢地仲係打緊官司狀態。

　　估唔到100幾年前，列強瓜分我地中國；100幾年後，中國變左走去瓜分人地「商場」，情況係點博客會留意，有消息再同大家更新下。

《編者按》本欄搜羅即市傳聞，惟消息未經證實，《經濟通》亦不保證內容之準確性。