炒穩定幣，同炒穩定幣概念，是兩樣東西來的

　　博客其實早幾年都有落場玩Crypto，一啲小眾所謂「空氣幣」或者ICO都略有研究，所以都識落唔少幣圈朋友。

　　有個剛剛入門玩Crypto嘅朋友仔問我，穩定幣有無得炒？我聽到佢咁問，就知道其實政府教育得唔係幾足夠。其實博客玩Crypto幾年，無咩點聽過有人話炒穩定幣，就等於會唔會有人用溢價去收購新葡京籌碼一樣。

　　炒穩定幣，同炒穩定幣概念，是兩樣東西來的。

　　當然，穩定幣概念早個輪炒到風風火火，其實你細心思考下邏輯，就知道呢個概念都係「炒空氣」。第一，就係香港金管局嘅嚴格監控：要入白名單又KYC，又唔俾人用VPN，北水要落香港成本要大增，不如買USDT；其次，美國個邊USDT/USDC係香港穩定幣直接競爭對手，我真係睇唔到有咩理由要買香港穩定幣，因為不能從技術、方便程度，都好似美國個邊好好多。

　　當你梳理好呢堆概念，你就明白市場對於香港穩定幣其實「過分看好」，市場係清醒的人，只有你發現推出個產品原來係無人玩個陣，你就會發現問題所在。

　　博客記得早幾年，港股市場推出樣東西叫界內證(Inline Warrants），你而家走去問下有幾多人玩？呢個就係不熟悉市場嘅人阿茂整餅的結果，你而家上網搵，一隻也沒有。

《編者按》本欄搜羅即市傳聞，惟消息未經證實，《經濟通》亦不保證內容之準確性。