比亞迪玩到印度買家陀陀轉？真相原來係咁！

　　博客日日碌抖音，發現最近好多人都做緊關於印度方向比亞迪購買電動巴士嘅趣聞，大概內容就係：

　　印度向比亞迪(01211)訂購1000輛比亞迪電動巴士，大約20億元人仔，先俾一半訂金再發貨；原本發貨完之後印度方「想走數」，但點知發現貨嘅電動巴士係到左，不過係無電池嘅！

　　最後印度死死氣話，我俾埋餘下款項30%，你幫我裝電池我先找埋個20%，咁好啦比亞迪咪同你裝埋電池佢；印度方心諗，我唔找個20%，當打個八折買車都好！本以為車到電池到，我唔找數你耐我咩何！

　　比亞迪點會咁傻豬，原來全部巴士係「遠程鎖死」，如果印度唔找埋個20%，等同20億買架廢鐵，最後都要死死氣找晒全部款項先解鎖。

　　咁真相又係點呢？比亞迪相關人士表示：「消息不實，是謠言，該消息在網絡上流傳已久。」
　　
　　根據比亞迪官方介紹稱，截至2025年1月31日，已有2330台搭載比亞迪電動巴士底盤的巴士，在印度35個城市中運營，市場份額達24%。

　　其實呢個故事確實係媒體自己煲水，但煲水還煲水，亦反映左印度人係做生意上嘅「誠信問題」都好嚴重，雖然比亞迪話呢個故事係假，但唔代表佢做唔到呢個技術。只能夠講：「朋友，同中國做生意，最好老老實實啦！」

《編者按》本欄搜羅即市傳聞，惟消息未經證實，《經濟通》亦不保證內容之準確性。