按盤價 
摘要
本內容由人工智能根據現有市場數據及新聞來源生成，僅供參考。其內容不代表《經濟通》之觀點或立場，亦不構成任何投資建議。鑒於AI生成資訊可能存在錯誤、遺漏或偏差，用戶應自行核實相關內容或諮詢專業意見後再作出投資決定。《經濟通》對因依賴本內容而導致之任何損失或損害概不負責。
發佈時間：[原文以外資料]
內文：
核心摘要：
中國飛鶴(06186)預告2023年中期純利最多跌47.3%，宣布動用不少於10億人民幣回購及派息20億人民幣，股價單日最多挫18%。
事實要點：
▷ 股價單日最大跌幅18%（大市值組別跌幅榜首）。
▷ 中期純利預減最多47.3%（主因含生育補貼及庫存調整）。
▷ 回購計劃不少於10億人民幣（同期派息總額不低於20億）。
▷ 收益下降主因含政府補助減少（全脂奶粉減值計提）。
▷ 2022年全年純利按年跌97%（2023年3月底公布後股價反升5%）。
中國飛鶴(06186)發盈警，預料中期純利最多跌47.3%，就算集團預告，準備動用唔少於10億人仔回購股份，兼預期本年度派息總額唔少於20億人仔，股價一樣勁插，最多瀉18%，今早大部分時間均佔據大市值組別跌幅榜榜首。
講真如果純粹發盈警，股價本來唔應該跌咁多。博客仲記得2月中發盈警，預料舊年全年純利大跌，但當日股價都只係跌0.1%，幾乎唔使跌。而3月底公布舊年業績，純利按年大跌97%，隔日股價唔跌反升半成。而家飛鶴半年純利最多跌47%，都唔及蒙牛(02319)舊年純利跌97%咁甘，但飛鶴股價反應咁大，的確難以想象。如果真係要解釋，或者係因為今年股價一路高企。以噚日收市價5.7元計，比舊年低位已經升咗93.5%。所以今日大幅回調似乎都講得通。
集團話收益及純利預期減少主因係向消費者提供生育補貼，導致收入有所下降；降低嬰幼兒配方奶粉的渠道庫存；所收政府補助減少及對全脂奶粉產品減值計提。
其實除咗補貼因素外，內地人口減少先係最大威脅。經濟壓力大、少子化嚴重、愈來愈多人傾向唔生育甚至唔結婚，所以奶類需求預料難有上升空間。講喺內地人口持續萎縮嘅大前提下，奶品業面臨嘅挑戰唔小。不過，中國飛鶴喺同業中算係比較可取，現價息率有約7%，預測息率有8%，傲視一眾奶品股。同業蒙牛分別為3%及4%，僅及中國飛鶴嘅一半。不過股價短期料受壓，不妨等到4元附近先考慮。
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇？】日揆言論引發中日關係惡化，當局更新外遊警示呼籲赴日提高警惕。你短期內會否赴日旅行？► 立即投票
