小紅書估值升到310億，點解可以咁犀利？

　　據《彭博》報道，內地社交媒體平台小紅書估值在三個月內飆升19%至310億美元，嘩，做咩升得咁犀利？

　　其實都一啲唔意外，博客記得早兩年TikTok被人封殺個陣，連美國個邊啲平民百姓都叫苦連天，學李香琴話齋：「世界末日啦！」當佢地尋求另一個代替品嘅時候，中國網民推介：「Go find Rednote!」

　　有一排小紅書就成為左美國人新寵，入面嘅知識同娛樂簡直打開左美國人腦袋的智慧上限，甚至小紅書教美國人整個蒸水蛋都可以上「熱搜」，真係無誇張。

　　呢種文化衝擊同文化輸出，其實係中國嘅一種「軟實力」，包括抖音、小紅書、黑神話系列。或者美國開始慢慢意識到，自己嘅迪士尼、漫威、暴雪遊戲，係中國大陸慢慢開始無咁有影響力，呢種文化逆轉其實對中國企業而言係一種正面影響。

　　唔單單呢種IP文化，仲有珍珠奶茶、海底撈都全面出海，連飲食都開始侵占美國人生活，所以小紅書估值可以上到310億其實唔意外，就算美國禁到抖音小紅書，都仲有快手、鬥魚，九萬幾個平台，你點禁？

《編者按》本欄搜羅即市傳聞，惟消息未經證實，《經濟通》亦不保證內容之準確性。