主持明珠台新節目 陳凱琳邀鄭嘉穎任壓軸嘉賓

　　【晴報專訊】陳凱琳（Grace）將加入明珠台大軍，主持清談節目。她昨日出席活動時，笑指會邀請老公鄭嘉穎任壓軸嘉賓，但她直言擔心老公上節目時會被欺負，認真廿四孝老婆。

雪姨與Grace是生意拍檔，默契十足。

　　陳凱琳和人氣KOL雪姨（容可兒）昨日到沙田為護膚美容中心擔任開幕嘉賓，Grace表示現時每次完成工作後，都會急急腳回家，她解釋︰「朋友都會講笑，話五點之後唔使搵我，因為我要趕返屋企湊仔，又要煲劇（老公鄭嘉穎的新劇《星空下的仁醫》）…原來好多人鍾意睇，留意嘉穎個角色係『鬍鬚叔叔』，因為佢而認識我，哈哈！」Grace又指兩個囝囝年紀尚小，劇集播出時已經睡覺，會留待他們長大後，才讓他們重溫爸爸的演出。

嘉穎主演的新劇《星空下的仁醫》，口碑不俗。（IG圖片）

睇老公新劇拒外出

對於能夠平衡家庭與工作的時間，Grace大感開心。

　　另外，Grace將加入明珠台主持清談節目，她自認本身喜歡交談，並透露節目將討論愛情、家庭等話題。至於會否邀請老公任節目嘉賓，Grace笑言︰「呢個quota要留番壓軸先做，其實之前主持《日日媽媽聲》都有諗過搵佢上去，但因為節目入面啲老公嘉賓都會被人蝦，所以最後都係打消咗呢個念頭。」

　　問平日愛炮製甜品的Grace，可有興趣擔任烹飪節目主持？Grace表示有興趣，但自言不是專家；身旁的雪姨則讚Grace廚藝不錯，更提議Grace做「明珠台肥媽」，Grace聞言後感愕然，雪姨即糾正道︰「都係『明珠台瘦媽』啱你啲。」