歡迎回來

網頁已經閒置了一段時間,為確保不會錯過最新的內容。請重新載入頁面。立即重新載入

查看更多「香港好去處」精彩內容

15
八月
尖沙咀海港城|《G-DRAGON MEDIA EXHIBITION : Übermensch》全球巡展 震撼宣佈加開香港站 尖沙咀海港城|《G-DRAGON MEDIA EXHIBITION : Übermensch》全球巡展 震撼宣佈加開香港站
尖沙咀海港城|《G-DRAGON MEDIA EXHIBITION : Übermensch》全球巡...
推介度:
15/08/2025 - 07/09/2025
22
八月
中環香港大會堂|香港小交響樂團 — 麥兜.音樂廳裏的圖畫 中環香港大會堂|香港小交響樂團 — 麥兜.音樂廳裏的圖畫
中環香港大會堂|香港小交響樂團 — 麥兜.音樂廳裏的圖畫
推介度:
22/08/2025 - 24/08/2025

選民登記活動極低調,幕後對投票率已打輸數?

選民登記活動極低調,幕後對投票率已打輸數?

馬天娜
立會透視鏡

  仲有大約一個月,即6月2號,就係今年選民登記嘅截止限期,過往每逢立法會選舉年,大力催谷市民登記選民係各大政黨嘅重要活動之一,擺街站、搞大型活動派登記表等等,真係各出奇謀,除咗係其中一項政黨KPI之外,政黨亦希望借宣傳去吸一啲新嘅支持者。不過奇怪嘅係,今年有關嘅宣傳活動可以話係零,甚至連各議員嘅社交媒體,亦鮮有宣傳選民登記嘅post,何解呢?

 

  Tina向政壇中人查問過,政壇中人指出,過往一向都會有「目標」去跑數,希望拉到幾多人去做選民登記,而各大有搞直選嘅政黨,亦非常依賴佢哋嘅區議員作為選民登記嘅「重心人物」,一來區議員係唔係都會定期擺街站見選民,二來拉到嘅新選民,好多時都會成為佢哋黨嘅未來支持者。不過,今年由選民登記正式開始至今,上頭都無落過任何指示,變相各大政黨都係「冷處理」,最多都只係掛吓橫額提市民選民登記截止日期。

 

選舉事務處在電車車身宣傳選民登記截止日期,而各大政黨卻沒有大動作。(政制及內地事務局fb圖片)

 

  「谷選民登記係成個選舉年嘅序幕,希望喚醒市民今年將會有立法會選舉,盼推高選舉投票率。連選民登記都咁低調進行,好明顯就係無論中環同西環,對於今年投票率都唔會寄予厚望。如果打鑼打鼓都無人去登記,咁不如低調進行好過,起碼無咁肉酸⋯⋯」

 

  睇番對上兩次選舉嘅投票率,2021年立法會選舉,唔計選委會界別,功能組別有32.22%,而地區直選只係有30.2%,分別創咗自1985年及1991年以來嘅新低;去到2023年區議會選舉,大幅度削減直選議席之後,投票率更只係得27.54%,亦係首屆區議會選舉以來最低。

 

2023年區議會選舉的投票率僅27.54%,為首屆區議會選舉以來最低。(AP)

 

  同一位地區直選嘅立法會議員傾開,佢都直言對今年立法會選舉投票率唔太樂觀,特別係從平時接觸市民都感覺得到,依家市民普遍對立法會新聞不太感興趣,「過去幾年,立法會入面無乜火花,大家講嘅觀點角度其實都係大同小異,又真係好難要市民感到興趣。以前有反對派,咁支持穩定嘅市民就一定出來撐建制派,依家幾乎都係清一色,呢班建制支持者覺得投唔投都無乜所謂,自然就唔會出來投票」。佢亦相信,從低調處理選民登記來看,幕後應該亦唔會對投票率有高要求,估計唔好低過區議會選舉已經收貨。

Add a comment ...Add a comment ...
View comment ...View 1 comment ...

Comment

暫無回應

最新
人氣
etnet TV
財經新聞
評論
專題透視
生活
DIVA
健康好人生
香港好去處