森美大阪旅行險瞓街 遭訂房網臨時取消酒店預約

下午5點收到訂房網email 告之房間已被取消！

　　跟太太玩完京都之後，森美兩夫婦再轉戰大阪，當晚森美在街頭拍了一條約分半鐘的短片，但這次不是放閃，而是控訴！當然，對象甘並不是梁太，而是訂房網。他表示由京都坐火車返大阪的時候（約下午5時），收到訂酒店的網站發出的email，內容是他預訂的酒店房間已被取消！森美表示非常震驚，因為他於一星期前已經confirm booking，即是已經付款，不能退款的！他們去到大阪的酒店，爭論了兩小時，結論是酒店看不到他們的booking！

森美拍片控訴訂房網突然通知取消booking。（圖片來源：IG@sammy903）

晚上10點幾拖喼周圍搵酒店 網吧都無位！

　　他們無奈之下，惟有周圍搵酒店，「所有網站都揾唔到酒店（房），唯一搵到的酒店喺奈良，但無理由飛去奈良！」他表示估不到去日本旅行，而且大阪都去過很多次，「shopping就試過，但探險就真係未試過！」他們拖著喼搵酒店，就連網吧都找過，到夜晚10點幾，仍未找到落腳的地方：「重點係，我老婆都開始唔睬我！」好友Mirror的Alton留言，建議「去便利店食炸雞食通頂！」另一好友袁偉豪則提議camping，森美回應：「真係諗過租車㗎！」

片尾森美指找不到酒店房，「老婆都開始唔睬我！」（圖片來源：IG@sammy903）

好友袁偉豪提議森美camping，森美亦表示「真係諗過租車㗎」！（圖片來源：IG@sammy903）

下一頁：森美最終要不要瞓街？

朋友出手 找到附近酒店最後一間房

　　之後森美再出post，更上載了一張酒店房間的照片，即是有房過夜！（有眼利的網民留言認得這個設計是APA Hotel!）他感謝各方好友的幫忙，「結果真係有一個朋友... 幫我喺網上面搵到一間不遠酒店，最後一間房！」更提醒網民：「下次book咗房真係要再自己send email去酒店confirm先至好出發！」很多網民留言想知是哪間訂房網，不少人都估是Axxxa，森美：「我知你哋好想知係邊間……詳情留返節目講俾大家聽！」惟有密切留意森美的電台節目，有新消息我們會再為大家報導！

森美表示「爭啲真係要7（出）街瞓」！（圖片來源：IG@sammy903）