歡迎回來

網頁已經閒置了一段時間,為確保不會錯過最新的內容。請重新載入頁面。立即重新載入


MIRROR演唱會|姜濤被問身形回應羨慕隊友食極唔肥!無偶包鼻毛再次失守外露

MIRROR演唱會|姜濤被問身形回應羨慕隊友食極唔肥!無偶包鼻毛再次失守外露

娛樂

  人氣男團MIRROR日前到啟德出席明年1月舉行的演唱會記者會,12子以全黑或黑白造型亮相。每次出場都化晒妝執得好靚仔嘅佢哋,今次有人竟然失手,鼻毛叉晒出嚟,認真唔多雅觀。

 

  近年姜濤身形成為討論話題,今次姜濤被問到會唔會跟大表哥邱士縉(Stanley)操肌,佢就斬釘截鐵話冇,不過就有跑步練氣。而問到Stanley會否捉姜濤一齊操練?他笑言:「捉唔到啦,咁大個人使乜捉,要嚟就會嚟!」不過姜濤就好羨慕其他成員食極唔肥,唯獨自己要節食減肥,AK聞言就反駁:「我哋都羨慕你啲錢使極都使唔晒!」

 

 

  除咗身形,姜濤今次個樣都「出咗事」!未知係咪休息唔夠,面上嘅暗粒明顯多咗,化妝都遮唔到;除此之外,仲有唔少鼻毛外露,真係完全冇偶像包袱,勁real、勁true、勁貼地,原來姜濤都同大家一樣係有鼻毛呀!

 

 

 

 

 

 

 

 

 

 

  其實姜濤喺大概兩年前已經試過發生同類事件。當時佢去到商業二台節目《早霸王》任嘉賓,大談秘密兼玩遊戲。節目中,DJ Marco問姜濤照鏡時第一眼會睇面上訪個部位?姜濤當時自爆要檢查鼻毛,因為曾經試過令佢好尷尬︰「有一個廣告我無抆到(鼻毛),廣告出咗街,跟住有粉絲指住。(真係咁誇張?)好誇張,關於鼻毛都有一個秘密,遲啲再講。」森美追問姜濤何時開始有此習慣,他回應︰「當時我無意識到呢個問題咁嚴重,男仔唔係好care,但自此照鏡都照咗個鼻先。」

 

 

 

Add a comment ...Add a comment ...

Comment

暫無回應

最新
人氣
etnet TV
財經新聞
評論
專題透視
生活
DIVA
健康好人生
香港好去處