歡迎回來

網頁已經閒置了一段時間,為確保不會錯過最新的內容。請重新載入頁面。立即重新載入

查看更多「香港好去處」精彩內容

24
五月
九龍寨城公園衙門|「九龍城寨光影之旅」電影場景展 九龍寨城公園衙門|「九龍城寨光影之旅」電影場景展
九龍寨城公園衙門|「九龍城寨光影之旅」電影場景展
推介度:
24/05/2025 - 24/05/2028
28
十一月
啟德體育館|MAMA《Mnet亞洲音樂大獎》 啟德體育館|MAMA《Mnet亞洲音樂大獎》
啟德體育館|MAMA《Mnet亞洲音樂大獎》
推介度:
28/11/2025 - 29/11/2025

新店點心,兒時味道

新店點心,兒時味道

曾智華
肥碌大食遊

  一人有一個夢想。每個人的夢想,皆有所不同。其他人見到,不單可能冇同感,反之,笑你傻。

 

  但其實,笑你的,反而是否真正傻?

 

 小弟認識個別朋友,半世紀辛勞,儲到大量財富,三生用不完,但就是不捨得花,孤孤寒寒唔知為乜,終於雙腳一伸,搞到「人在天堂,錢在銀行」。結果?益晒班大狀。點解?因仔女及老婆二奶以至遠房親戚群起爭產,決戰高院。

 

  你話幾無謂,何況,更製造家庭分裂。

 

  另一端,則是大慈大悲,將畢生辛苦積蓄,全捐老弱傷殘,為世間留點愛。

 

  中間的,則在儲夠財富後,追尋兒時夢想。

 

  呢呢,我正有位老友大L,也是捱足一生,70歲了,財務自由,可以間中「任性」一下。

 

  話說,疫情期,食肆全關,只做外賣。L哥數十年習慣,日日坐茶餐廳睇幾份報紙再歎一杯絲襪靚奶茶才辦公。茶記唔准開,點搞?

 

 有!立即入股相熟茶記,變成老闆或伙記,如此,就可名正言順以「員工早餐」為名照歎!

 

  年多前,佢又因幾乎所有茶樓都唔再做某些傳統點心,覺得若有所失。點可以尋回兒時味道,例如一碟包得靚靚的雞絲粉卷呢?得!自己開!基於多年出任大集團CEO,對普通管理,簡直easy job。

 

兒時味道雞絲粉卷,已甚少人做。

 

  趁疫情期開檔,舖租平,人工平,連尋覓高級點心師傅,亦得心應手,撬來五星級酒店中菜廳老師傅,剛剛想半退休,做小店,冇咁辛苦。

 

  大L親自設計點心紙。我幫襯過兩次,肯定掂,今期介紹大家試試,睇睇可能尋回昔日情懷。

 

  除雞絲粉卷外,所有點心用料,算不惜工本。例如簡簡單單鯪魚球,就用上等臘味切粒一齊打。鵪鶉蛋雀巢芋角,睇得又食得,並且照顧打卡一族需要。

 


鯪魚球用上等臘味粒一齊打。

鵪鶉蛋雀巢芋頭酥,大廚自創。



  當然,蝦餃燒賣腸粉馬拉糕叉燒包全部有齊兼高水準。師傅即師傅,絕不讓低檔次出品上枱。

 


自拉腸粉滑嘟嘟,光閃閃。

平實皮旦瘦肉粥配脆卜卜油條。

人人會做的蝦餃,最易分高低。

精裝馬拉糕賣相別緻。

肥嘟嘟蟹子燒賣,用料上乘。

 

  兩次皆如是,點心紙我食八成,死忍口,為乜?正是留肚欣賞其他食肆絕少見的鮮荷葉蒸飯。分別食過豬頸肉蒸飯及豆豉鱔片蒸飯!啖啖有荷葉。

 

發出荷葉幽香的蒸飯。

 

  認識小弟者皆知,個人堅持,絕不因是老友的店子就介紹,因自己招牌非常重要。再者,任何新店,出品未得就食客蜂擁而至,後果將是……負評轟傳,「愛佢變成害佢」,好快冧檔。

 

  講完,「大四囍」點心,廣東茶迷應該一試。有問題煩通知,小弟必火速轉告大L。呢位完美追求者,肯定會瞓身改善!

 

地址:跑馬地昌明街1號

電話: 2799 8098找劉經理,聲明Luke Sir粉絲訂位!

 

Add a comment ...Add a comment ...
View comment ...View 1 comment ...

Comment

暫無回應

etnet用戶專享

獨家網購優惠

作為您最信賴的生活夥伴,etnet除了提供全方位的財經及生活資訊,並特意為用戶送上精心挑選的專屬網購優惠!

投資組合
股票組合
會員登入
登記成爲新會員
會員專區
語言
轉色
主題顏色
串流報價服務
數據庫及數碼解決方案
流動平台
Follow us
最新
人氣
etnet TV
財經新聞
評論
專題透視
生活
DIVA
健康好人生
香港好去處