歡迎回來

網頁已經閒置了一段時間,為確保不會錯過最新的內容。請重新載入頁面。立即重新載入

查看更多「香港好去處」精彩內容

30
八月
亞洲國際博覽館|叱咤903主辦 PURDORI呈獻 拉闊音樂會 惑星•夏 林峯x鄧麗欣x張繼聰 2025年第二場拉闊浪漫登場 乘著星光 留下屬於我們最美夏天 亞洲國際博覽館|叱咤903主辦 PURDORI呈獻 拉闊音樂會 惑星•夏 林峯x鄧麗欣x張繼聰 2025年第二場拉闊浪漫登場 乘著星光 留下屬於我們最美夏天
亞洲國際博覽館|叱咤903主辦 PURDORI呈獻 拉闊音樂會 惑星•夏 林峯x鄧麗欣x張繼聰 20...
推介度:
30/08/2025
22
一月
香港故宮文化博物館|香港賽馬會呈獻系列:修明武備 ─ ─ 故宮博物院藏清代軍事文物 香港故宮文化博物館|香港賽馬會呈獻系列:修明武備 ─ ─ 故宮博物院藏清代軍事文物
香港故宮文化博物館|香港賽馬會呈獻系列:修明武備 ─ ─ 故宮博物院藏清代軍事文物
推介度:
22/01/2025 - 31/12/2025

嘆樂壇新人上位難 陳曉東想做最強經理人

嘆樂壇新人上位難 陳曉東想做最強經理人

娛樂

  剛度過47歲生日的陳曉東(東東),下月22日假西九文化區戶外場地舉行《HARBOUR THE SONIC陳曉東演唱會2022》,並推出全新廣東歌《這種年紀》,正式回歸香港樂壇。已成兩女之父的東東,除了落力栽培兩名小公主的藝術才能外,他亦想突破自己,期望未來一嘗當經理人滋味,「我歌手出身,對音樂亦有sense,自覺有呢個能力!」

 

東東心繫香港,一直緊貼本地樂壇消息。

 

  近年在內地發展兼已移居北京的陳曉東,近日回港準備開騷。身為80後歌迷的學生男神,東東至今依舊凍齡,未見歲月痕迹。他坦言為保持身形,除了時常健身,亦嚴格戒口,「依家食嘢都係少油、少糖,盡量簡單生活,就算去各地做商演,飲酒都可免則免。」談到北京生活,東東說:「我爸爸之前都移居上海,早年好多製作公司、導演都集中喺北京,我都留咗喺北京咁多年,一早習慣晒。」

 

伍仲衡早年為東東創作《愛妳(躲妳)》,近日二人合體炮製新歌《這種年紀》。(FB圖片)

 

明年或再戰紅館

 

  1995年出道的東東不但橫掃樂壇新人獎,多年來亦推出《猜猜猜》、《心有獨鍾》及《劃火柴》等多首經典情歌。對於現今的香港樂壇,東東亦有留意,「我有聽過陳卓賢嘅新歌《Distance》、ToNick之前首《長相廝守》,亦知道林家謙啱啱開完紅館騷!」他認為新一代歌手需要更加勤力,「依家宣傳方式同以前好唔同,雖然可以隨時網上開live唱歌,但歌迷選擇更多,要跑出唔係咁易。」問東東可想過為本地樂壇培育新血?他笑言想成為經理人:「我對音樂有自己嘅sense,了解邊隻歌適合邊個歌手唱。我本身又係歌手出身,唔會淨係從商業角度睇,相信自己係一個開明嘅經理人!(希望涉足幕後?)講唔實,要睇有無投資者同機會,我都唔介意困身。」

 

  下月開騷的東東,透露已入紙申請紅館開騷,希望明年成事。「我唔心急,19年開過紅館騷,暫時想搞好下月西九戶外騷,粉絲幫我諗嘅歌單有成60首,但到時最多都係唱20幾首歌。」提到不少港星參加內地綜藝真人騷後爆紅,曾於前年出戰《追光吧!哥哥》的他,笑言當作新嘗試,「如果節目賽制以對戰或比賽淘汰方式,自己就唔太接受,我比較鍾意純唱歌多過比賽,都係以音樂為主。」

 

東東前年曾參與真人騷《追光吧!哥哥》,大跳勁舞顯實力。(資料圖片)

 

讚女兒歌精舞勁

 

東東兩位千金曾在爸爸的MV中粉墨登場,造型可愛。(FB圖片)

 

  東東今次偕太太王妤嫻回港,大女陳芷霖(Kathelyn)及細女陳芷怡(Katheryn)則留在北京上學。東東笑指女兒都是自己的歌迷,囡囡不但在爸爸歌曲MV《落日城池》獻聲及出鏡,又以鋼琴彈奏爸爸代表作《心有獨鍾》,遺傳父親的音樂天份。「佢哋都係七、八歲,除咗學街舞同芭蕾舞,嚟緊會參加合唱團,我希望培養佢哋嘅音準同拍子感,盡量畀佢地學習唔同興趣。(女承父業闖樂壇?)小朋友發展好難估計,好似我爸爸都估唔到自己個仔做咗歌手!」

 

Add a comment ...Add a comment ...

Comment

暫無回應

海鮮網購
最新
人氣
etnet TV
財經新聞
評論
專題透視
生活
DIVA
健康好人生
香港好去處