陳豪珍惜親子時間 森美自爆遭女兒嫌棄

　　【晴報專訊】陳豪和森美昨日出席活動，適逢昨日是父親節，但兩位星級爸爸卻自爆有不同待遇。陳豪笑言一日內享受兩個父親節大餐，又呼籲各位家長「有得錫就錫」；不過森美就要在工作中度過，加上兒子剛從英國回港，正接受隔離，因此父親節慶祝活動也要押後。

陳豪和森美同樣是圈中的模範爸爸。

　　陳豪和森美昨午到圓方出席電影《比得兔2︰走佬日記》首映禮，有仔女萬事足的陳豪透露，太太陳茵媺（Aimee）和三個仔女一早已準備好父親節慶祝活動，大仔和二仔昨日早上完成跆拳道考試後，隨即跟他吃大餐慶祝，「食完大餐佢哋都有獻吻畀我，今晚（昨晚）返屋企會同佢哋再食大餐，聽講仲會切蛋糕！」至於森美就相對較「可憐」，不但父親節全日都要工作，加上兒子剛從英國返港需要隔離，因此並沒有慶祝活動。

張智霖父子曬「香雞腳」

　　問到森美可有收到女兒的禮物？他笑言︰「個女似乎feel到我想哄埋佢塊面度索吻，即刻拒絕咗，不過佢已經親自整咗個芝士煎蛋同咖啡送畀我。本來我要求同個女影張合照，但係佢拒絕咗，要拉埋隻狗狗做電燈膽先肯同我影張相。」期間森美取出手機，大曬去年一家人的合照，他又希望等囝囝回家後可以影一張新的合照。

　　森美又自嘲自己在家中向來不受歡迎，每次都要利誘，女兒才肯望自己一眼，「最近我買咗部新嘅iPad畀佢，佢先偷偷望咗我一眼咋。」但他表示明白年輕人心理，笑言只能等待他們「浪子回頭」。而陳豪則打趣稱幸好自己的仔女還小，「趁依家佢哋仲細，有得攬就攬，有得錫就錫多啲。」

Chilam和兒子「魔童」多年來一直如好友般相處。（微博圖片）

　　此外，昨日圈中多位爸爸都在社交網站大曬父子情，張智霖（Chilam）與兒子「魔童」齊齊騷纖幼長腿，父子倆十足火柴人，不少女粉絲都留言表示羨慕。而胡杏兒的老公李乘德，昨日亦特別為三個仔穿上愛隊阿仙奴的球衣，齊齊整整影靚相。至於剛在四月尾誕下細仔Julius的岑麗香，亦分享老公湊仔的溫馨家庭照，還讚老公是最棒的爸爸。

李乘德希望三個仔成為「槍手」小球迷。（IG圖片）