歡迎回來

網頁已經閒置了一段時間,為確保不會錯過最新的內容。請重新載入頁面。立即重新載入

查看更多「香港好去處」精彩內容

03
九月
西九M+博物館|M+將於 2025 年 9 月與東亞領先文化機構合作呈獻:時代的稜鏡:日本的藝術實踐 1989‒2010、李昢:一九九八年至今的創作 及 春之宣言 西九M+博物館|M+將於 2025 年 9 月與東亞領先文化機構合作呈獻:時代的稜鏡:日本的藝術實踐 1989‒2010、李昢:一九九八年至今的創作 及 春之宣言
西九M+博物館|M+將於 2025 年 9 月與東亞領先文化機構合作呈獻:時代的稜鏡:日本的藝術實踐...
推介度:
03/09/2025 - 22/02/2026
28
十一月
啟德體育館|MAMA《Mnet亞洲音樂大獎》 啟德體育館|MAMA《Mnet亞洲音樂大獎》
啟德體育館|MAMA《Mnet亞洲音樂大獎》
推介度:
28/11/2025 - 29/11/2025

延遲一年選,建制增勝算?

馬天娜
立會透視鏡

 

  行政會議噚日(28日)召開會議,開咗大半日,無任何公布。不過去到昨晚就開始有消息喺媒體傳出,政府已經初步決定將今年立法會選舉延後一年,去到明年九月再選。

 

  誠如Tina上星期所講,延期呢個決定可以話係建制大合奏出嚟嘅成果,係一個預早知道嘅結局,問題只係延期多久嘅考量,同埋延期期間立法會真空點樣處理。

 

  據接近添馬消息透露,延期多久係成員爭拗得最耐嘅議題。檯面上嘅方案有幾個,最短係續14日延期、延三個月、六個月、一年,最長去到兩年咁耐。短過一年嘅方案好快就被推翻唔可行,最重要嘅係,大家依家都唔知疫情會點,去到冬天又會唔會爆第四波,所以一年已經係延期選舉嘅起步點。

 

  延一年似乎係正常人能夠理解嘅方案,但點解又會有延兩年嘅考量?據聞提出延兩年嘅,係考慮到明年同一時間已經係特首選委嘅選舉,兩個選舉撞埋一齊,擔心操作上有問題,而且2022年選立法會,喺特首選舉之後一年搞,都唔係無可取之處。但綜合兩個方案優缺點,政府始終認為,延期一年係較為令市民接受,亦可減低延期對政治體制嘅影響,所以最終都係拍板一年呢個方案。

 

  拍板咗又唔正式公布?呢個最主要就係任何延期都涉及基本法嘅解釋,呢個就一定要有最終解釋權嘅人大去搞,而政府上報咗個方案畀人大,人大ok咗,林鄭先敢公諸於世,所以估計要提名期完結之後先會有正式公布,同埋延期嘅一系列後續影響,包括未來一年立法會點運作、係唔係現屆議員冧莊多一年等等。

 

  不過最有趣嘅係,如果政府委任現屆議員做多一年「臨立會」,咁泛民議員又制唔制?泛民尷尬之處,接受委任的話等於要佢地接受人大釋法,呢個好影響佢地支持者心目中嘅形象;唔接受的話,政府委任其他建制入立法會,未來一年政府提上立法會嘅法案將會予取予攜。

 

  另外有建制仲講笑咁話:「延期一年好呀,對建制非常有利,喺內地嘅港人可以返港投票之外,出年一月持BNO人士可以申請移民英國,多啲黃絲走,此消彼長,建制肯定無輸得咁慘!」似乎今次決定延期選舉,對建制而言真係一石數鳥!

 

Add a comment ...Add a comment ...
View comment ...View 14 comment ...
最新
人氣
etnet TV
財經新聞
評論
專題透視
生活
DIVA
健康好人生
香港好去處

Comment

暫無回應

最新
人氣
etnet TV
財經新聞
評論
專題透視
生活
DIVA
健康好人生
香港好去處