相識20年 周柏豪ICQ主動「邂逅」袁偉豪

　　【晴報專訊】袁偉豪與周柏豪早前拍攝無綫節目《兩個小生去Camping》，原來「雙豪」入行前已經認識。昨日柏豪自爆當年主動在ICQ結織「男神」袁偉豪，柏豪入娛樂圈前，更特意詢問對方意見，認真好兄弟。

袁偉豪（左）適應露營生活，相反周柏豪在營地煮食時，論盡得燒到手毛。

　　袁偉豪與周柏豪昨日出席《兩個小生去Camping》記者會，這對好兄弟在節目中有不少深入對話。二人受訪時，柏豪表示20年前主動透過ICQ結識袁偉豪：「袁偉豪當年喺校隊界好出名，佢又係校草，嗰陣網上流傳佢嘅ICQ號碼，於是我慕名去add佢，結果由嗰陣識到依家。」袁偉豪坦言起初以為柏豪是女生，更要求他上載相片認證。柏豪又說：「我當時想入行，就問佢意見，指點下迷津，同埋叫佢畀條路我行！」

素顏亂髮去Camping

　　節目中，兩兄弟一同駕車去露營，更有不少男人間的真情對話，拍攝時亦刻意沒有化粧set頭，希望讓觀眾看到他們最真實的一面。問二人相處後，可有發現對方難頂的地方？他們互讚大家都夠完美，不過柏豪自言喜歡科技，露營無得上網及叉電，會欠缺安全感。

袁偉豪大讚女友張寶兒細心又體貼。

　　另外，柏豪搞笑「投訴」袁偉豪說：「佢講嘢真係好慢，我成日叫佢講快啲，有時收到佢語音短訊，一個留言都20秒，聽咗幾條聲，都仲未講到件事。」至於袁偉豪女友張寶兒有份做節目嘉賓，他指女友有日不用開工，但仍幫他將結他帶去營地，大讚寶兒夠體貼。