【銅鑼灣限定】多啦A夢郵局登場！過百款多啦A夢、招財小貓限定精品＋甜品

　　但寄信之前，當然要揀一張精美的明信片！場內設有20款不同設計及質感的期間限定明信片，你可以按照不同節日、紀念日而選定合適的明信片。但小編覺得最特別的設計，當然是加入了「招財小貓」的款式。

不同設計及質感的期間限定明信片

　　寫明信片，當然要用不同的印章來好好裝飾一下，場內亦有多款印章給大家選擇，最好就是將多啦A夢與一眾好朋都蓋上，讓親切的角色在未來陪著大家！最後，記得選擇投寄月份啊！（由2月起至2020 年1月）

　　溫馨提示：印章要大力按下才能蓋出完整圖案，而且不要太快解碰到它，因為它很易化開，特別是當你揀了特別質地的明信片。

　　以為把明信片放入「未來郵筒」就走得？咪行住，記住拎返多啦A 夢的即時特別回信先走啊！

一共有六款不同的即時回信，其餘三款就讓你們自己去看啦！

過百款多啦A夢、招財小貓限定精品＋甜品

　　寄完明信片，又點可以唔買啲多啦A夢限定精品返屋企呢？「多啦A 夢郵局」限定店內有多款限量產品，讓粉絲們掃貨，當中包括只接受預購的限量200 件多啦A夢豆包梳化及限量300件多啦A 夢及招財小貓鑄銅像。但好可惜，極珍貴的多啦A夢及招財小貓鑄銅像的預購名額已於短短數小時爆滿……

多啦A夢豆包梳化　$980

多啦A夢及招財小貓鑄銅像（預購名額已滿）　$3998

　　除了以上超限量的產品外，還有多款多啦A夢及「招財小貓」限定產品，包括公仔、吊飾、午餐盒等。

多款多啦A夢及「招財小貓」公仔、吊飾 $150-380

多啦A夢道具午餐盒 $250

　　行到咁上下，不如去點小吃、雪糕食下吧！甜品屋sweets house Cha Cha就推出了「多啦A 夢郵局」特別創作限定甜品，包括有10 款味道的多啦A 夢大判燒，和多啦A 夢特別版波子汽水味軟雪糕！

左：原味吉士大判燒　$15/個

中：章魚小丸子大判燒（推介，值得一試！）　$15/個

右：紅豆抹茶吉士大判燒　$15/個

左：波子汽水味軟雪糕　$48

右：波子汽水配牛奶味軟雪糕　$48

「多啦A夢郵局」期間限定店詳情

日期：2019年2月12日（星期二）至 2019年2月28日（星期四）

地址：銅鑼灣時代廣場B1 地庫 LOG-ON 中庭

開放時間：上午10 時至晚上10 時

備註：免費入場