胡鴻鈞處男騷 吳若希找數做嘉賓

　　【晴報專訊】胡鴻鈞（Hubert）前晚假灣仔會展舉行音樂會，並與粉絲一齊回顧出道八年的音樂成長路！馬國明與胡鴻鈞因合演《降魔的》老友鬼鬼，馬明更拖著女友黃心穎捧場。

馬國明和黃心穎拍拖睇騷曬恩愛。

　　今次音樂會以「成長」為主題，胡鴻鈞化身白馬王子，帶樂迷回到最初的起點。甫開場，Hubert先唱出《幸福》和《高攀》帶動全場氣氛，並揀選《偉業街》等三首與男孩成長有關的歌曲。

胡鴻鈞與吳若希一直在音樂路上互相扶持。

　　吳若希（Jinny）突然現身唱出《我沒有傷心》，她表示︰「原來我係咁緊張，好開心Hubert叫我上嚟做嘉賓，其實我哋應承對方，如果開第一個騷就會為對方擔任嘉賓。」Hubert聞言笑說自己是一個遵守承諾的人，「今次請你嚟真係一波幾折，好彩皇天不負有心人！」

跳舞好過吳業坤

Hubert以白馬王子Look大唱經典情歌。

　　此外，Hubert邊唱《雙飛》邊與女舞蹈員大跳辣身舞，令全場粉絲尖叫。最後並以《到此一遊》、《遙不可及》及《朋友身份》，為音樂會畫上完美句號。完騷後，Hubert笑稱十分滿意跳舞環節，揚言跳得好過好友吳業坤和許廷鏗。