阿欣阿人齊「告急」 急都急唔嚟啦！

　　星期日就係立法會九龍西補選喇！今次個選舉氣氛仍然冷淡，連建制泛民兩大參選人都要票未開始投就大打告急牌！

民生都有「關鍵一席」？

　　講急，最急應該係建制參選人陳凱欣（阿欣），佢早就喺星期二（20日）就喺Facebook話「選情嚴峻」，叫大家「全家總動員，投票支持5號陳凱欣，保住民生關鍵一席！」

　　Wait！Jenny驟眼望去，仲以為呢句「關鍵一席」係民主派講添！望真啲，原來係「民生」！你知喇，話晒建制派都係功能直選同地區直選都係多過民主派，所以民主派選親都話「關鍵一席」、「關鍵一席」，估唔到今日連阿欣都要借嚟用下！

狼來了 恐將選票吃掉了

　　而民主派嘅李卓人（阿人）亦都喺今日話告急喇！阿人話近日啲民調都顯示佢選情嚴峻，又話見到「中共維穩組織在各區派發抹黑李卓人、吹捧陳凱欣嘅特刊，嚴重誤導選民」，所以佢都要選都未開始選就要告急了！不過阿人，怕唔怕太早告急會變成「狼來了」，街坊聽太多會冇感覺呀？

　相比之下，馮檢基就好似冇咁急喇！今日都係話「撐住Great Again，重新好起來！！」果然係政壇老將呀！

　都係嗰句，九龍西補選候選人仲有伍廸希、曾麗文。