有吞嚥困難一樣可以喺端午節大啖食粽？ Jenny有計！

　　所謂「未食5月粽，寒衣不入櫳」，即係話一日未過端午節，天氣都未叫正式入夏，但計Jenny話今年夏天已經提早來臨，熱咗咁耐小妹冬天衫一早就入晒櫳！講返食粽，Jenny鍾情鹹肉粽，明知非常致肥都忍唔到口，但係即使有啲區議員到時到候就會免費派粽，有得過節大啖大啖咁食粽真係唔係必然㗎！因為唔係個個有「能力」食，講緊唔係財力，而係吞嚥能力。

回味端午粽 只可在夢中？

　　Jenny 近日同幫社企「Sweet Stories甜蜜故事」工作的朋友仔傾起，原來對於患有吞嚥困難嘅人嚟講，端午節食一啖仔嘅粽都係遙不可及嘅事。咪以為吞嚥問題係長者先有，不同年齡層、不同身體狀況，都可能發生不同程度嘅吞咽困難。咁如果病人想回味一下端午節粽嘅美味，咪只可在夢中？好慘啊！

　　咁大家聽完又唔駛太灰，幾時都話「世事無絕對，只怕有心人」。一問之下，原來「Sweet Stories」遲吓會搞個「整粽」烹飪班，仲係同etnet合作搞嘅添！etnet嘅編輯同Jenny證實咗個烹飪班會喺6月5日，即下星期二搞，教人整專畀吞嚥困難患者食用嘅端午粽。材料經過特別挑選和處理，無肥肉無糯米，低糖低鹽低脂，容易消化又健康添！

學煮嘢食有意義 網上報名好Easy

　　到時仲有文化村專業護理安老院營運總監羅雪珍到場講解吞嚥問題日常照料的實用知識，再送出吞嚥輔助食品「食倍樂」試用裝連烹調手冊，等大家DIY自製容易吞嚥美食，同家人分享。聽起來有趣得嚟又有意義！

　　etnet嘅編輯話，讀者如果有興趣可以登入網址及填妥個人資料：https://bit.ly/2ICsjD9 ，被選中嘅參加者將會收到電郵通知付款詳情，截止報名日期係6月1日，夜晚11:59。報名要快啊！