歡迎回來

網頁已經閒置了一段時間,為確保不會錯過最新的內容。請重新載入頁面。立即重新載入

查看更多「香港好去處」精彩內容

22
一月
香港故宮文化博物館|香港賽馬會呈獻系列:修明武備 ─ ─ 故宮博物院藏清代軍事文物 香港故宮文化博物館|香港賽馬會呈獻系列:修明武備 ─ ─ 故宮博物院藏清代軍事文物
香港故宮文化博物館|香港賽馬會呈獻系列:修明武備 ─ ─ 故宮博物院藏清代軍事文物
推介度:
22/01/2025 - 31/12/2025
04
十月
西九文化區藝術公園|My Melody x Kuromi全港最大型周年盛典 「My Melody Kuromi Luna Fiesta」 10月4至7日中秋假期一連四日於西九文化區組隊慶祝 西九文化區藝術公園|My Melody x Kuromi全港最大型周年盛典 「My Melody Kuromi Luna Fiesta」 10月4至7日中秋假期一連四日於西九文化區組隊慶祝
西九文化區藝術公園|My Melody x Kuromi全港最大型周年盛典 「My Melody K...
推介度:
04/10/2025 - 07/10/2025

漁護署暗諷新香港人?定言者無心聽者有意?

漁護署暗諷新香港人?定言者無心聽者有意?

Jenny Yin
言歸政傳

  臨近佛誕,漁護署呢排就好出力咁宣傳唔好亂咁放生動物,Jenny搭地鐵都成日見到漁護署個廣告,係講一啲淡水龜被「放生」落咸水海,「放生」變「殺生」!所以就叫大家「停一停,諗一諗」先!而上個星期漁護署又喺佢哋個Facebook專頁到上載咗「魚魚篇」,話放生有可能對生態平衡帶來衝擊喎!

 

 

 

漁護署好大的膽子!?

 

  片中啲「原居魚」聲淚俱下咁控訴放生啲「外來魚」:「除咗同我哋爭嘢食之外,仲會襲擊其他魚」、「本身屬於我哋嘅棲身地,已經變得面目全非」……啲論述咁熟口面嘅?睇返網友嘅留言,都似乎聽到啲弦外之音噃!漁護署唔通真係咁大個膽子?定係言者無心,聽者有意?

 

Miss Mo get到弦外之音?

 

  Jenny一於問吓向來好關注動物權益嘅毛孟靜(Miss Mo)先!原來Miss Mo都未睇過條片,一睇就笑到一發不可收拾,差啲連眼水都標埋呀!佢就同Jenny講:「明白佢地(漁護署)唔係咁既意思,不過就真係好缺乏政治敏感度囉!」、「啲排外既感覺出晒嚟」!睇嚟Miss Mo都同樣Feel到呢份弦外之音咁噃!咁身為研究動物權益相關事宜小組委員會主席嘅蔣麗芸(Ann姐)又點睇呢?

 

Ann姐:諗多咗喇!

 

  Ann姐見到小妹搵佢講動物議題就好似幾開心咁噃!不過睇完條片,佢臉上嘅笑容就消失咗一大半,唔通佢都Feel到啲嘢?Ann姐就即刻否認:「咁又唔好諗到咁複雜」!又話覺得條片應該講啲「外來魚」有機會適應唔到而死亡,咁就到Point啲喎!但係呢個Point唔係已經喺「龜龜篇」講咗啦咩?睇嚟Ann姐都冇留意呢輯廣告喇!不過話時話,Jenny都覺得唔識放生就真係唔好亂放,如果唔係本身諗住積陰德,變左好陰騭就唔好啦!

 

Add a comment ...Add a comment ...
View comment ...View 3 comment ...

Comment

暫無回應

海鮮網購
最新
人氣
etnet TV
財經新聞
評論
專題透視
生活
DIVA
健康好人生
香港好去處