歡迎回來

網頁已經閒置了一段時間,為確保不會錯過最新的內容。請重新載入頁面。立即重新載入


想入自由黨?你所不知的基本要求是……

想入自由黨?你所不知的基本要求是……

Jenny Yin
言歸政傳

  自由黨今日舉行新春團拜,點少得小妹去湊吓熱鬧!無意之間就被小妹洞悉咗「如何加入自由黨」嘅秘密喇!想知係咩?睇埋落去喇!

 

自由黨今日舉行新春團拜,點少得小妹呢?

 

田少「去旅行,去到盡」

 

  既然係過中國節日,大會都安排咗大家飲吓茶,食吓中餐咁。Jenny見到田北俊(田少)一坐低就急不及待咁食咗幾粒點心,佢話成個星期都喺外國,好掛住啲中餐啊!話明放假田少當然貫徹「去旅行,去到盡」嘅忠旨,放低晒所有世俗事務,似乎冇乜點理香港呢邊嘅環境,今日返嚟先搵記者補補習,了解返呢排補選嘅最新發展!

 

  而同枱嘅九龍塘區議員何顯明就自爆,自己而家仲有搵前黨友、新界東參選人方國珊(哪吒)吹水!佢仲同Jenny講,如果哪吒肯搵個黨加入,早就贏到個議席返嚟喇!自己亦都成日問佢:「你冇後台點算呀?」不過得到嘅回覆就係:「點都要試下嘅!」睇嚟哪吒嘅心意都幾堅定!不過Jenny冇記錯嘅話,如果佢今次又失敗,前前後後都已經「試」咗4次喇! 

 

邵家輝:我飲酒冇醉過

 

  席間亦都傾到去之前去美酒佳餚巡禮,有行家就問邵家輝(Peter),係唔係黨內最「飲得」嗰個?佢就好大口氣咁話「我飲酒冇醉過」!又分享自己嘅「飲酒經驗」,話自己從來未試過醉到「斷片」云云。一講到酒,同枱嘅黨友劉懿樂同埋九龍塘區議員何顯明亦都開始滔滔不絕。原來入得自由黨,先決條件就係要識品嚐杯中物!

 

  新界東候選人還有黃成智、陳玉娥、鄧家彪、趙佩玉和范國威。

 

Add a comment ...Add a comment ...

Comment

暫無回應

最新
人氣
etnet TV
財經新聞
評論
專題透視
生活
DIVA
健康好人生
香港好去處