歡迎回來

網頁已經閒置了一段時間,為確保不會錯過最新的內容。請重新載入頁面。立即重新載入

查看更多「香港好去處」精彩內容

04
十月
西九文化區藝術公園|My Melody x Kuromi全港最大型周年盛典 「My Melody Kuromi Luna Fiesta」 10月4至7日中秋假期一連四日於西九文化區組隊慶祝 西九文化區藝術公園|My Melody x Kuromi全港最大型周年盛典 「My Melody Kuromi Luna Fiesta」 10月4至7日中秋假期一連四日於西九文化區組隊慶祝
西九文化區藝術公園|My Melody x Kuromi全港最大型周年盛典 「My Melody K...
推介度:
04/10/2025 - 07/10/2025
15
八月
葵青劇院|《風車草黑心喜劇Di-Dar (Comeback)》終極加場 黃秋生首度挑戰載歌載舞演出 記歌詞記到忟 葵青劇院|《風車草黑心喜劇Di-Dar (Comeback)》終極加場 黃秋生首度挑戰載歌載舞演出 記歌詞記到忟
葵青劇院|《風車草黑心喜劇Di-Dar (Comeback)》終極加場 黃秋生首度挑戰載歌載舞演出 ...
推介度:
15/08/2025 - 31/08/2025

林鄭密密出Po儲人氣 齊昕轉相Like咗未

林鄭密密出Po儲人氣 齊昕轉相Like咗未

Jenny Yin
言歸政傳

  呢個年代,行街睇戲食飯都好,「碌」電話睇Fb同ig,仲有SnapChat簡直就係指定動作。而咁多位前任現任政府高官入面,Jenny如果話前財爺曾俊華(同佢個團隊)最識玩Fb應該冇咩人異議。不過Jenny之前都有講啦,最緊要係肯學肯做唔會避呀嘛!家下特首林鄭亦都見到有進步喇!

 

 

林太你做乜唔預埋Jenny呀!話晒Jenny都係年年25嘅青春少艾呀嘛!

 

林鄭Fb出Po同年輕人吹水

 

  要做「網紅」,首先第一件事就係要多啲蒲頭。林鄭家陣處於儲人氣階段,就梗係要出Post密啲先得喇!所以林鄭上任之個Fb專頁,Keep住每隔幾日都有新Post,雖然由80後IO(新聞主任)主理不過文筆就略嫌悶咗少少,有趣啲就好喇!

 

  話口未完,林鄭今朝又有新Post啦!原來佢前幾日叫咗班「18區青年網絡」嘅年輕人去禮賓府吹水,梗係啦!口講「肯同年輕人溝通」唔夠嘅,要有行動至得㗎嘛。唉!林太你做乜唔預埋Jenny呀!話晒Jenny都係年年25嘅青春少艾呀嘛!不過話時話,林鄭嘅Fb技巧又提升咗,內文字眼冇咁「新聞處」之餘,仲識係結尾加個「~」代替句號,成件事即刻活潑咗唔少!

 

   可能讀者們會問,呢個「18區青年網絡」係咩嚟嘅呢?其實佢係民政處搞嘅項目,話想畀多啲年輕人機會發揮所長、培養興趣同埋增加自信,仲會鼓勵佢哋積極參與社區事務,加強對社會嘅歸屬感添!之不過,有網民就喺個Post留言,究竟呢班年輕人入面,有幾多唔係建制中人呢?果然識睇梗係睇留言!不過睇返呢個專頁個風格,無論支持定反對,林鄭都概不回應,睇嚟呢個問題都係留返畀心水清嘅網友自己諗啦!

 

齊昕轉頭像 真係靚女咗?

 

     除咗現任特首林鄭有出Post,前任特首CY……個女齊昕都突然轉咗頭像,有網民就留言話自從CY唔做特首之後,「你人都靚左(咗)」。咳咳,我諗呢位朋友諗多咗啦!事關其實呢張相係齊昕上年影㗎!不過既然CY都為咗照顧家庭而放棄連任,相信佢多咗時間陪屋企人,齊昕自然就會開心咗、開心咯人就自然會靚咗啦!

 

 

張相係齊昕上年影落㗎

Add a comment ...Add a comment ...
View comment ...View 3 comment ...

Comment

暫無回應

海鮮網購
最新
人氣
etnet TV
財經新聞
評論
專題透視
生活
DIVA
健康好人生
香港好去處