【暑期工自保法】做實習定Part-time好？5大勞工保障你要知！

　　踏入7月，又來到一眾莘莘學子最期待的暑假。長達兩個月的悠長假期，除了吃喝玩樂外，不少學生都會趁這段時間走入職場，找暑期工汲取經驗兼賺零用錢。 

　　對企業來說，暑假正好可以低成本，吸納一群有活力的年輕人加入。然而，近年不少關於暑期工被剝削的事件發生，當中包括被要求在工作前預先支付費用、被拖欠薪金、減少工時等。想避免跌入求職陷阱，先要知道自己的權益：

1) 暑期工都係員工

　　首先，要知道法例上係無特別劃分「暑期工」或「非暑期工」，只要有公司請你，受僱之後成為僱員的一分子，無論係長做定係只在暑假期間工作，一樣受到《僱傭條例》（香港法例第57 章）保障，亦可以享有當中的福利。

2) 暑期工人工少啲都得？

　　雖然作為職場新鮮人，不少人都覺得經驗重要過人工，不過合理的薪金都同樣重要。暑期工受最低工資條例保障。而最低工資已經在2017年5月1日，調整至每小時港幣$34.5。

　　至於假期方面，如果員工受聘於同一僱主，需要連續4星期以上，每星期工作18小時或以上，就屬於連續性合約的員工，可享更多福利，如休息日和疾病津貼等。

3) 有薪法定假期，暑期工有無份？

　　如果員工屬連續性合約，在受聘滿3個月後，即可享有法定假期。

4) 暑期工請病假，係咪一定要扣人工？

　　只要你屬於連續性合約的員工，在受聘的首12個月內，做滿一個月就有2日有薪假期。換句話說，即使你只是當兩個月暑期工，但係連續4星期，每星期都要返18小時或以上，請病假都是有薪的。

5) 暑期工使唔使供MPF？

　　根據強積金法例，凡年滿18歲至未滿65歲的僱員，只要連續受聘不少於60日，不論全職、兼職或暑期工，僱主都必須在他們受僱首60日內，為僱員安排參加強積金計劃，並依時供款。

　　只要月入超過$7100，僱員和僱主都須分別供款，供款額同為薪金的5%，各自的上限是每月$1,500。但如果月入低於$7100，僱員就無須供款。

　　初入職場，當然想做得開心又放心啦。最後提醒大家揾暑假工時，除咗要知道自己的權益，亦要慎防求職騙案，遇到任何疑問，記得向親友求助，或致電勞工處查詢。

source:CTgoodjobs