掃街兵團率先試！雞蛋仔藝術節「最估你唔到」口味大集合

搵食地圖

TEXT:Cecilia WangPHOTO:CWing Li

02/03/2017

　　簡單幾款材料、一個炭爐就能做出來的雞蛋仔，是香港街頭小食經典中的經典，這款簡單又美味的小食，從上世紀50年代一直流行至今，粉絲無數。近年街頭上也湧現出一些創新派代表，在傳統雞蛋仔的基礎上變出唔少新口味，有些味道和搭配真係「估你唔到」！

　　本周末（3月4日及3月5日）全港首個「雞蛋仔藝術節」將於銅鑼灣舉行，屆時會有多達8間各具特色的雞蛋仔專門店及特色餐廳參與其中，於利園一期私家路設攤檔，向大家推廣地道的「雞蛋仔文化」！

手指畫藝術家Justin Y《七彩雞蛋樹》

本地著名插畫家李嘉朗 Lon Lee設計的雞蛋仔主題精品

　　除美食外，藝術節更糅合了藝術、工藝、音樂和健康生活等元素，邀請不同藝術團體，以「雞蛋仔」作主題，給大家帶來別開生面的演繹，讓大家有得食有得玩！

掃街兵團率先試！「最估你唔到」雞蛋仔口味

Seasons by Olivier E.

綠茶雞蛋仔配自家制綠茶雪糕、紅豆蓉及麻糬丸子 $60

　　法國米芝蓮一星名廚眼中的雞蛋仔是甚麼模樣？今次浪漫的法式餐廳Seasons by Olivier E.都參與到雞蛋仔藝術節中，推出兩款限定口味雞蛋仔配甜品，一款為綠茶雞蛋仔配自家制綠茶雪糕、紅豆蓉及麻糬丸子，另一款為朱古力雞蛋仔配自家制香草雪糕及榛子忌廉，每款都猶如藝術品般，好睇又好食！

　　私心推介綠茶口味雞蛋仔配自家制綠茶雪糕，一定要配上雪糕來食，甜澀得宜。點睛之處是加入麻糬小丸子，煙煙韌韌的口感更增加了品嘗的樂趣。

Seasons by Olivier E. 朱古力雞蛋仔配自家制香草雪糕及榛子忌廉 $60

Fullhouse滿屋雞蛋仔

章魚燒雞蛋仔 $30

　　數到場內最「估你唔到」的創意口味，莫過於Fullhouse所炮製的「章魚燒雞蛋仔」，將兩款經典的街頭美食合併，以雞蛋仔蛋漿，混合大大粒章魚粒、芝士及椰菜等餡料，雞蛋仔外脆內軟，再灑上章魚燒醬以及木魚絲。

　　兩者二合為一後，無論口感味道都是「想像不到」般美味，有蛋香味之餘，鹹香足料，又咬到粒粒章魚，的確回味無窮，以$30的價錢而言，一試無妨！

Fullhouse紅莓玄米雞蛋仔$30

Fullhouse紅棗桂圓味雞蛋仔 $30

【其他創新口味雞蛋仔大集合】

辦館 LOF10 Bar Dining

雙重滋味雞蛋仔$30

　　以中西合壁闖出名堂的辦館LOF10 Bar Dining限定推出雙重滋味雞蛋仔，灑上巴馬火腿及煙肉碎，再以朱古力和蜜糖點綴，完美結合西方食材與本地小食。配搭特色清涼飲品，中和甜膩感，更帶出雞蛋仔獨特的蛋香味，相得益彰。

紅豆綠茶拿鐵$30

Oddies

布朗尼朱古力碎雞蛋仔配Gelato $60

　　Oddies以創新口味雞蛋仔配甜品而聞名，今次「雞蛋仔藝術節」帶來三款期間限定，有油炸鬼榨菜肉鬆雞蛋仔($30)、布朗尼朱古力碎雞蛋仔($30)以及鳳梨酥雞蛋仔($30)，另加$30可配意式雪糕Gelato，喜歡Fusion特色的雞蛋仔粉絲絕對不能錯過！

媽咪雞蛋仔

　　曾獲得米芝蓮推薦的街頭小食店媽咪雞蛋仔也來到今次的雞蛋仔藝術節，帶來多款限定美味！單是雞蛋仔就有牛油果朱古力($30)、榮華臘腸雙重芝士($60)、以及飛魚籽三文魚子醬($90)口味。當中牛油果朱古力雞蛋仔，牛油果襯托出朱古力的甜味又不失其香滑軟綿，齒頰留香。除三款各具特色的雞蛋仔外，同場還有兩款足料鮮果格仔餅供應：芒果忌廉格仔餅($30)、香蕉朱古力榛子格仔餅($30)，大愛！

Twins Kitchen孖人廚房

親子雞蛋仔及早餐雞蛋仔$30

　　Twins Kitchen孖人廚房由雙胞胎兄弟Caleb Ng和Joshua Ng兩人一同創立，喜歡鑽研新菜式的Caleb和Joshua為「雞蛋仔藝術節」製作了四種全港首創的雞蛋仔口味。除了嗜甜之人必選的「營火棉花雞蛋仔」及蜜糖雞蛋仔外，一定要試一試早餐雞蛋仔（煙肉芝士炒蛋雞蛋仔）及親子雞蛋仔（炸雞雞蛋仔）！

【精彩活動】做一日雞蛋仔皇后！