內地外賣大戰搞到中央出手叫停，其實叫停有咩用，大家錢已經燒左一半，你話叫停，即係之前燒嘅錢都掉落鹹水海，所以一定係「捲」死對手勢方休。

　　剛好美團(03690)公布業績，，截至2025年6月30日止中期純利104.22億元人民幣，按年跌37.7%；每股基本盈利1.72元人民幣，不派中期息。經調整溢利淨額124.42億元人民幣，跌41%。經調整EBITDA 150.84億元人民幣，跌34.6%。

　　歸咎原因，就係燒錢燒清光，去年同期都仲有百億利潤，今年已經幾乎燒得七七八八。鬼咩，早排博客睇小紅書，個個都係幾乎「零元購」奶茶咖啡，唔係講「搶錢打劫」個隻零元購，而係平台補貼用戶，總之幾毫子杯咖啡，兩蚊兩杯珍奶，真係飲到胰島素都投降。

　　另一方面，係旅遊機票個PART最搵錢項目，都開始慢慢唔搵錢，所以填唔到美團燒錢速度。摩通認為，美團短期盈利及競爭力均不利，因為相比阿里巴巴，美團的財務資源較為有限，可能導致市場份額流失。

　　點算好？今日美團股價都跌一成，未來都可能會繼續有陰跌情況，所以唯一建議就係：少碰為妙。唔好打算去撈底，而家講緊公司整體結構燒錢燒到清家底咁款，呢場仗未打到尾聲都唔好走去入場，呢個係博客嘅忠告。

《編者按》本欄搜羅即市傳聞，惟消息未經證實，《經濟通》亦不保證內容之準確性。

【說說心理話】陳敏兒：人生有很多苦痛的經歷，但我不甘心去白受這些苦，要從中「獲利」，去學習，令苦變得有價值，再跟其他人分享► 即睇