【又開分店】DONKI登陸小西灣！首設「情熱食堂」即製和牛丼！掃激抵和牛、新年禮盒

搵食地圖

TEXT:Ariel ChanPHOTO:Daren、由DONKI提供

08/02/2021

　　DON DON DONKI 在香港的版圖愈來愈大，最近登陸小西灣藍灣廣場，港島人又多一個shopping的好地方！今次是DONKI的第7間分店，佔地超過20,000呎，老實說新點子不多，最最最大亮點是即點即製丼飯！一於跟編輯走一轉，睇睇新店有甚麼賣點啦！

　　DONKI每一間分店都會有獨一無二的主題，今次的主題是「四季」。一去到門口，招牌已經非常搶眼，金光閃閃，還有不少牛年的祝福語！內裏沿途有不少跟四季相關的裝飾，好像春天的櫻花、夏天的太陽花等等，猶如置身於四季分明的日本一樣！

一到商場的一樓，就會被DONKI金光閃閃的招牌吸引著！

新店同樣設有大受歡迎的「震撼價區」，價錢由$5到$15不等。

沿途有不少跟四季相關的裝飾，這個就是代表夏天的太陽花。

首設「情熱食堂」：即製豬排丼、和牛丼

　　編者經常聽人講小西灣是「美食沙漠」，一直以來食肆的種類不多，今次DONKI選址在這裏絕對是街坊的救星！點解咁講？因為分店獨家兼首設「情熱食堂」，現場有師傅即製一系列丼飯，全部都是新鮮熱辣，價錢亦算親民，買返屋企當lunch或是晚餐就最好不過！

DONKI藍灣廣場店新設「情熱食堂」，出售即製日式豬扒丼、和牛丼。

「情熱食堂」以丼飯為主，全部都是即點即製！

（圖片由DONKI提供）

A4 黑毛和牛丼（左）$79

滑蛋豬扒飯（右）$49

下頁睇驚安價和牛

新增自選壽司區 + 手卷套裝 + 驚安價和牛

　　作為一個吃貨，每次去行DONKI都一定要掃新鮮刺身與日本和牛！以往去DONKI買壽司都要一盒盒買，分店就新增了「自選壽司區」，有稻荷和小卷壽司，價錢由$10到$12不等，自己想吃幾多就夾幾多，彈性十足！編者最喜歡是吞拿魚腩蓉腐皮壽司，非常足料！

新分店新增「自選壽司區」，款式未算好多，勝在可以自由選擇。

仿蟹沙律腐皮壽司 $12/件

編輯最喜歡就是吞拿魚腩蓉腐皮壽司，滿滿肥美的吞拿魚，大滿足！

吞拿魚腩容腐皮壽司 $12/件

　　除了有全新件裝壽司之外，DONKI還推出了自製手卷套裝，大家不用$300就可以將醋飯、紫菜和刺身帶返屋企，新年在家中開party就可以多一個新節目！

「在家中自製手捲壽司」套裝

1 set $298

3set $260 / 份

買了手卷套裝，不妨多買一板由日本直送的海膽，那就可以多一款口味！價錢都算相宜！

北海道根室西浜海膽 $250

　　逛DONKI，很多人的目標都是日本和牛；小西灣分店的肉類選擇基本上跟其他分店大同小異，同樣有近江牛和常見的黑毛和牛等。不過適逢牛年，藍灣店推出獨家限定優惠，日本和牛肩眼肉以成本價發售，只需要70多元就可以買到100g，好抵買！

跟其他分店一樣，大家可以買到日本近江牛和黑毛和牛，可以用來打邊爐和燒肉。

日本和牛肩眼肉 $77/100g

這款是牛腿肉，肉質柔軟、脂肪亦較少。

牛腿肉 $122

下頁睇精選新年禮盒

兩件精選新年禮盒8折

　　還有幾天就到新年，想掃定新年禮盒，這裏是一個好地方！這裏有一整列的日本禮盒，款款包裝都十分精緻，用來送禮好得體，唔使再包禮物紙！編輯極力推介招財貓系列的禮盒，包裝可愛之餘又好意頭，無論是買定收禮物都好開心！最重要的是，現時任選兩件精選新年禮盒更有8折優惠，哪有不買的理由？

現場有多款禮盒任選，買新年禮物絕對無難度！

招財貓曲奇禮盒

（大）$99.8

（小）$64.8

蘋果忌廉泡芙 $44.8

誰說新年禮盒一定是曲奇餅之類，水果禮盒都一樣夠體面！

日本水果禮盒 $228

下頁睇勁抵零食

大量日本美酒+勁抵零食

　　同其他分店一樣，這裏有一列列的日本美酒，種類都好齊全，好像是白酒、梅酒、威士忌等都應有盡有，新年買回家跟家人和好朋友開心share就最好不過！當中，三得利啤酒更推出了牛年特別版，每一罐都有別緻的牛公仔圖案，新年買來飲夠晒氣氛；還有一款送禮自用都適合的9年古酒，它是用了熟化9年的梅酒釀造，酒味十足之餘，梅子酸甜清新，值得一試！