【2018回顧】YouTube最新排行榜出爐！「扮工」解悶必備的10條熱門影片

第2位：《[ENG SUB] 20MINS特強瘦大腿操 (減外側內側後側及提臀) 2星期內明顯見效//SLIMMER THIGHS in two weeks ft. GRACE WONG》／Coffee林芊妤

　　提起Coffee林芊妤，相信唔少人都會諗起佢嘅一副好身材。尤其喺佢今年宣佈懷孕之後，大批網友見佢只係「肥肚唔肥人」，紛紛大讚佢係fit爆大肚婆代表，難怪佢拍嘅運動短片深受歡迎啦。嚟緊聖誕節，又係周圍食好嘢嘅時候，一於等小編學返幾招減減個肚腩仔先！

第3位：《緣份》／FHProduction 

　　人同人之間嘅緣份，有時真係好奇妙，話嚟就嚟！咁人同影片之間嘅緣份又會係點呢……咪好似劇中對白咁講：「緣份唔係天（跌）落嚟」。想睇好片？就梗係要大家花啲時間同心機去搵下啦！

第4位：《我的小鬼兵- FHProduction 電影》／FHProduction 

　　以為「熊仔頭」次次都係出嚟搞笑嘅話，咁你就一定要睇下呢套《我的小鬼兵》。雖然個故事帶住幾分唏噓同無奈（一定要睇到最後），但其實都幾感人，尤其喺張敬軒嘅歌曲《Hurt So Bad》、《只是太愛你》、《斷點》等襯托下，小編的心都融化了！

第5位：《放棄一個人》／FHProduction 

　　FHProductionHK出品嘅感人短片點止一條、「熊仔頭女郎」又點止小喬一個，呢套《放棄一個人》絕對畀到驚喜大家！

第6位：《【突發】MUFFIN有「妹妹」了！？從繁殖場救出來的狗狗Brownie！ (中字) 》／笑波子

　　貴為近年最爆紅嘅YouTuber，「笑波子」嘅短片一向有極高嘅收視率！加上今次有兩隻可愛嘅毛孩坐陣，想唔上「十大」都好難！

第7位：《[MiHK] 【突發】放屁放出煙，路人反應會點？- 放屁大挑戰 (w/ Coffee) 》／MiHK (made in HK) 

　　街頭挑戰呢類型嘅短片一直都深受網友歡迎，今次Cotton、Gordon夥拍Coffee林芊妤，一齊喺公眾場合周圍放屁，最後仲要放到屁股出煙。拍得咁搞鬼又好笑，你又點可以唔捧場！

第8位：《[MiHK] 【情人節限定】周街送花比女仔，成功向路人求婚!? – 送花大挑戰 Flowers Giveaway Challenge》／MiHK (made in HK)

　　同樣出自MiHK (made in HK)之手，今次的街頭挑戰竟然變咗做「送花（求婚）大作戰」？呢條片能夠成功上榜「十大」，似乎街頭送花呢個舉動唔單只可以博到途人一笑，仲勁滿足網友嘅八卦心！

第9位：《會以顏色把球分類的神奇木箱?! 這一切只不過是... 》／Carl Ho卡爾 頻道

　　勢估唔到，原來知識型短片喺YouTube都會大受歡迎。想知點解堆小球會自己識按顏色跌落嚟，就一定要自己睇啦，原因絕對係你意想不到！

第10位：《從59KG到47KG♡我是如何減肥的?♡＃YAKIWONG》／Yaki Wong

　　雖然呢條片剪接簡單，又冇加到咩濾鏡、特效，如果「素淨」都可以躋身十大熱門短片，足已證明「減肥係女人嘅終身事業」呢句說話真係無講錯！