【Netflix煲劇推介】比《延禧》宮鬥套路更深！盤點揭示醜惡人性的5套新劇

2. 《翱翔於天空的夜鷹》（Switched）

人性黑暗元素：外貌歧視

職場生存法則：世俗眼光現實且殘酷，無論點都要自我肯定、唔好失去努力嘅熱情

《翱翔於天空的夜鷹》劇照

　　明明工作能力高過佢，經驗又豐富過佢，點解老細升佢唔升我？唔通就係因為佢對眼大過我少少、個鼻高過我少少、皮膚白同滑過我少少……？雖然好想講句「可怒也」，不過老娘我寬宏大量，奉行「自我價值自己決定」，所以就算外貌比唔上一班靚女（或靚仔）都好，都要好好欣賞同肯定自己嘅努力！

　　故事簡介：愛情、學業雙贏嘅高中生步美，受到因外型而被欺凌嘅同學然子的妒忌。奇蹟地，兩個人意外地交換靈魂，失去出眾外表嘅步美面臨男友被人搶走、受到同學排擠、失去家庭等困境，但她仍舊堅持最初的信念，和相信她嘅朋友一起克服所有困難。

3. 《永不滿足》（Insatiable）

人性黑暗元素：非自願嘅團隊精神

職場生存法則：如果逃避唔到假惺惺嘅「Team Building」，就當係跑數將獎金、禮物通通贏走

《永不滿足》劇照

　　如果你以為office只係一個工作嘅地方，咁你就大錯特錯，皆因你喺度埋頭默默工作、對和人social嘅事耍手擰頭之際，身邊同事可能已經計劃緊點樣喺各類公司活動上巴結上司、吸引老細目光。雖然你可能唔理解，返工點解要返到好似做陪客咁，但有時公司搞呢啲活動的確係有佢嘅價值和意義，所以如果你逃避唔到唔去，不妨試下樂在其中，將佢當成工作搞掂佢。

　　故事簡介：女主角Patty曾經係一個受人霸凌嘅肥妹，瘦身成功嘅她決定一一向當初惡意對待她嘅人進行報復。而喺呢個時候，一位生活不如意嘅民事律師睇中咗Patty嘅潛質，兩人合作發誓要贏要選美比賽。

4. 《花醉金迷》（La casa de las flores）

人性黑暗元素：秘密

職場生存法則：職場裏沒有永遠的秘密，腳踏實地就可以安然度日、避免招人話柄

《花醉金迷》為Netflix原創墨西哥劇集

　　一個人一日得二十四小時，但有超過三分一時間都喺office度過，見同事仲多過見屋企人。既然生活喺同一office下，大家就應該知道深藏秘密係忌諱（呢個世界根本冇嘢係可以隱藏一世），所以當事人決定分享定唔分享、聆聽者聽完之後決定點樣掌握對方嘅秘密，絕對係一門學問。

　　故事簡介：情婦過世後，男主角決定將私生子女帶返家中撫養，過程中卻揭開咗家族內一連串嘅秘密。知道自己丈夫外遇嘅女主人，心碎之餘仲要努力維護家族嘅完美形象，但身處喺糾紛嘅親友關係之間，佢應該點達成？

5. 《雙層公寓：敞開愛的大門：第3部》 （Terrace House: Open the New Door）

人性黑暗元素：暗藏心機嘅小人

職場生存法則：自己功勞自己守

《雙層公寓：敞開愛的大門：第3部》為Netflix原創實況節目。

　　當愛情出現第三者，對方又係個年輕貌美、身材窈窕嘅「事業線女性」，你會正面迎擊定係默默退下？就好似喺職場入面，身邊總係有小人喺背後不斷陷害自己，但佢又唔會因為咁而受到懲罰或指責。呢個時候，一定要記得要挺身而出，正所謂「自己的功勞自己守」吖嘛！

　　故事簡介：乖乖嘅優衣原本是和帥氣的諾亞配對，但結果半路殺出「程咬金」麻由。如果優衣就咁任由麻由跟諾亞約會，最後好男人就被搶走啦！