歡迎回來

網頁已經閒置了一段時間,為確保不會錯過最新的內容。請重新載入頁面。立即重新載入

查看更多「香港好去處」精彩內容

01
十一月
亞洲國際博覽館|叱咤903主辦《b.balance呈獻 拉闊音樂會Most Wanted 鄭秀文 x 張敬軒》 亞洲國際博覽館|叱咤903主辦《b.balance呈獻 拉闊音樂會Most Wanted 鄭秀文 x 張敬軒》
亞洲國際博覽館|叱咤903主辦《b.balance呈獻 拉闊音樂會Most Wanted 鄭秀文 x...
推介度:
01/11/2025
06
九月
香港海洋公園|海洋公園哈囉喂全園祭︰六大驚嚇體驗 香港海洋公園|海洋公園哈囉喂全園祭︰六大驚嚇體驗
香港海洋公園|海洋公園哈囉喂全園祭︰六大驚嚇體驗
推介度:
06/09/2025 - 02/11/2025

還未開始,已經結束的選舉

思畸
思歪思正

  有咩方法可以最快提升民望?玩fb?唔係。落區?唔係。唔做任何嘢?可能有用,但係唔係最快方法。呢幾個月嘅「選戰」,已經答咗大家,參加一場冇得贏嘅選舉,就係提升民意嘅捷徑。

 

  曾俊華係其中一個受惠者,同時,佢係創造呢個局面嘅一個人。由舊年12月9號普天同慶689唔再連任,而689後備林鄭話要考慮參選開始,曾氏2.0曾俊華就變成低贏面嘅一個,但係佢以四両撥千斤嘅氣勢,不慍不火咁運用各種公關技巧,長期佔據民意榜首位,更加以建制官員嘅身分,但開明嘅外殼,成為民意嘅代表,破天荒獲得主流泛民嘅支持,即使而家佢能夠撼贏689 2.0嘅機會愈嚟愈低,佢已經贏晒。 

 

  葉劉淑儀直情係大翻身。無錯,佢仍然係一粒葡萄,一粒望閘興嘆、未能圓夢嘅葡萄,但佢以前經常用眼淚攻勢,成為濕濡的葡萄,到今時今日「戰到最後一兵一卒」,變成堅強的葡萄,佢嘅轉變不容忽視,亦正如佢所講,反映出呢場選舉嘅荒謬。  

 

  借用葉劉對689嘅形容,佢自己同曾俊華 ran a real campaign。 

 

  由規劃政綱、組建競選辦班底、去到爭取支持(無論選委定市民),曾俊華、葉劉、胡國興,以至689、曾蔭權等等等等,佢哋都有尊重呢場賽事,試圖力挽狂瀾,所以即使係689,喺呢方面都值得大家最基本嘅尊重。

 

  反觀林鄭,佢可能係眾多面對選舉競爭嘅人入面,最cost-effective嘅一位,無政綱之下奪四五百票、拉票唔使自己拉、零公關,完美示範瞓喺度都贏。

 

  所以佢可以好囂張咁張揚「我冇主動拉票」,一次係喺2月中,葉劉不開名批評有候選人已有足夠提名,但仍然四出搶票,令佢入閘無望,矛頭直指林鄭,當時無政綱嘅林鄭回應時話自己無主動爭取提名。另一次喺星期四,林鄭話有泛民選委好認同自己政綱嘅內容,只係佢喺提名期間無針對泛民主動拉票。唐英年上屆本來坐定粒六都未咁囂張。  

 

  我從來無見過有人參選,會樂此不疲咁話你知,「噢,我冇做主動架,係啲票自己走埋嚟嘅」,林鄭係爭在未講埋下一句「其實我都唔想攞咁多票架,科科」。  

 

  只不過,林鄭先係最聰明嘅。因為喺呢場從未開始,已經完結嘅選舉裏面,做咩都冇用。最重要嘅因素,係北京嘅頂頭人物首肯。事態亦愈嚟愈清楚,正如熟悉中國事務、有同北京官員傾談嘅時事評論員劉銳紹早前就撰文,強調北京只有一條路線,張德江等人係收order做嘢,「中央支持林鄭做特首」係源自習近平。

 

  但係林鄭並唔係必勝喎,牌面上佢贏晒,但係佢嘅利用價值只係停留喺一個強力執行者嘅角色,會唔會佢無啦啦覺得,曾俊華喺做財經事務嘅經驗,可以幫到佢自己嘅路線呢?例如反貪、或者堵截大陸資金從香港流出?呢啲林鄭未必能夠應付得嚟,就要由一位熟悉相關事務嘅人做香港首長。

 

  各路消息眾說紛紜,習近平嘅最終諗法,並唔會有人知道。所謂「還未開始,已經完結」,係因為眼前嘅根本唔係一場選舉,而只係深宮皇帝嘅鬥雞遊戲。

 

Add a comment ...Add a comment ...
View comment ...View 26 comment ...
最新
人氣
etnet TV
財經新聞
評論
專題透視
生活
DIVA
健康好人生
香港好去處

Comment

暫無回應

最新
人氣
etnet TV
財經新聞
評論
專題透視
生活
DIVA
健康好人生
香港好去處